16:40
A quenda do libro
Ás 11:15, na hora do
recreo de onte, comezaron a chegar alumnos e alumnas de 1º e 2º de
E.S.O. ao Salón de Actos onde foran convocad@s.
A rapazada de 2º ,como
grupo experimentado , miraba @s seus compañeir@s con ese sorriso na
cara que indica que xa sabes o que vai pasar.Xa sabía que hoxe era a
toma de contacto , a hora de recibir información concisa e o momento
de facer preguntas e suxestións.
@s de 1º de ESO , con
cara de ser novatos neste tipo de reunións e con timidez e discreción,
foron ocupando os seus asentos e formulando as cuestións que lles
preocupaban.
Podedes ver na fotografía
que hai un bo fato de rapazas e rapaces interesados nesto de ler e de
facer actividades coas lecturas.(Algún aínda veu correndo tralo periodo
de lecer para que o anotásemos porque se esquecera da reunión.)
As mediadoras estamos
contentas cun grupo tan numeroso de persoas do primeiro ciclo da
E.S.O..Con elas teremos que facer , como pensabamos ,4 grupos e,
decontado ,publicaremos o calendario de reunións para iniciar,
realmente, as actividades.
Benvid@s a este espazo no que nunca temos tempo de aburrirnos porque estamos xunt@s e lemos.
0 comentarios:
Publicar un comentario